EA est, quam pridem, cũ adhuc in hac celeberrima Salmāticẽsiũ academia auditorẽ in iure Pontificio agerẽ , de doctissimo doctore Martino ab Azpilcueta Nauarro, de illius moribus & eruditiōe cōcepimus , opinio. Ea iā inde ab eo tẽpore inter nos arctißima cōtracta in Christo amicitia, vt qđ ipse fertur suæ fœlicitati ascribere, nẽpe quod eius opera per nos probarentur, id meæ non paruæ deputem. Ea Manualis Confessorum pœnitentiũque iam pridem ab eodem editi, non semel a me lecti ac perlecti, quam sua succi plena breuitate profert, vtilitas id, quod nunc summo recessu, cura & studio, quorum nos testes oculati sumus, auxit. ornauit muniuitque actorium, vt quam libentißimo animo, qua fungimur authoritate Illustrißimi Reuerendißimique domini Francisci Manrrici Salmanticensis Episcopi dignißimi, cuius proepiscopum agimus, ei facultatem faciamus, quāque præsentibus facimus imprimendi illud, impressumque quoties volet edendi longe amplißimam, quo dignißimum duximus opus, ex quo tantum fructus totius Hispaniæ orbis excerpsit excerpet́ . Quin, & quo adeo emunctum opus semper pure nitide excudatur, quam latißime possumus sub pœna excommunicationis latæ sententiæ, quam in his scriptis trina, eademque canonica monitione præmissa ferimus, inhibemus omnibus, nequis sine præfati doctoris permissu prædictum Manuale excudat, aut excusum vendat. Datum Salmanticæ. 17. Iunii. 1556.