Sexta conclusio. Princeps potest iustam legem condere, vt communis thesaurus proprie dictus inuentus in suo regno ad se pertineat. Haec conclusio est contra Syluest. vbi supra, quem citat & sequitur Soto vbi supra. Imo ipse addit, quod nullam partem thesauri inuenti potest princeps sibi applicare. Insuper dicit se neque scire neque approbare, quod Princeps possit etiam vrgente necessitate reipublicae, huiusmodi tributum imponere.