Secundum, ex his infertur Antonium Butrium, Paul. Castrens. Abb. & alios huius opinionis auctores optime respondisse rationi Barto. dum existimant in hoc casu contrahentem minime peccare, ea quidem ratione, quod lex humana etiam praecepti verba in personam dirigens, respiciens tamen ipsius priuati vtilitatem principaliter, non obligat in vim praecepti ipsum transgressorem, cuius vtilitatem lex inducit. argum. l. cum pater. §. 2. ff. de legat. 2.