Atq; hæc dicta sint de mala fide, quæ præscriptionem interrumpit. Sic & possessio, quæ omninò exigitur ad præscriptionem, quemadmodum in hac Relectione tradidimus, si ea deficiat quocunque tempore ante completam & perfectam præscriptionem, vsucapio interrumpitur, qua de re hîc parum immorabimur, cùm eam quæstionem latissimè examinauerint Doct. in d. l. naturaliter. & Balb. in 3. part. 6. part. princip. in tract. de præscript.