Quinta ratio facilime tollitur eodem modo, cum iure humano tantum, & per leges, quibus princeps potest derogare filij illegitimi impediantur succedere in feudis. Quod si ex conuentione contractus, vel ex testamento prohiberentur ad feuda admitti legitimati per principis rescriptum, tunc nequaquam prod esset principis legitimatio, etiam expresse tollens contractus, vel testamenti legem, vt admitterentur illegitimi.