Quintò hæc ipsa opinio deducitur ex c. quanto. de iureiur. quo in loco apparet, principẽ teneri omninò monetā cudere, & publicā facere ea lege, vt valor iuxta pondus ei constituatur: alioqui si princeps posset pro sua libidine precium cōstituere numis quodcunq; pōdus auri vel argenti habentibus: iuramentum illud, quod tāto conatu Romanus Pontifex illicitum esse cẽset, minimè foret vlla ex parte reprobũ, atq; ideò fateor, hāc decretalem decisionem admodum vrgere aduersus principes, qui hāc legem nequaquā obseruant in numismatis cudendis.