¶ Tertia quæstio, Quæ* possit esse ratio, & causa iusti belli, quæq́ue magis necessaria, est ad hanc causam, & disputationem barbarorum. Pro qua sit prima propositio, Causa iusti belli non est diuersitas religionis. Hæc probata fuit prolixè in proxima relectione. ubi impugnauimus quartũquartum titulum qui prætendi potest ad possessionem barbarorum: quia scilicet nolunt recipere fidem Christianam. & est sententia S. Tho. secunda secundę, q. 66. articu. 8. & communis sententia doctorum: neque scio aliquem: qui contrarium sentiat.