¶ Quarta propositio, Summus
* Pontifex
nõnon
solùm potest dispensare in statutis concilio|
rum, sed in totum, & aliquando abrogare talem legem, uel statutum. Hæc patet ex præcedenti & eius probatione. Quia aliquando expedit abrogationem alicuius legis ad rectam
gubernationem ecclesiæ, ut in capitu. non debet. de consanguinitate & affinitate. & in capitu. alma mater. de sententia excommunicatio. unde cum concilium generale congregari ex toto orbe difficilè possit, oportet quòd
sit in ecclesia aliqua potestas, quæ hæc possit. Et confirmatur tertia & quarta conclusio.
Non enim uidetur, quin summus
PõtifexPontifex possit, quod potest sola consuetudo. sed consuetudo rationabilis potest tollere statuta conciliorum, ut patet Actuum 15.
CõstitutumConstitutum fuit,
ut Christiani abstinerent à suffocato, ab immolato & sanguine. Visum est, inquit, Spiritui sancto & nobis, nihil ultra imponere uobis oneris, quàm hæc necessaria, ut abstineatis uos ab immolatis
simulachrorũsimulachrorum, & sanguine, & suffocato. Et hoc fuit obseruatum in
ecclesia, non solùm à conuersis ex Iudæis,
sed etiam à Gentilibus per multos annos,
nõnon
solùm tempore Apostolorum, sed multo póst.
ut patet ex Tertulliano in Apologetico capitu. 9. imò expressè in concilio Gangrensi,
quod fuit post Nicenum (ut habetur d. 70.
capitu. si quis carnem.) habetur inquam quòd
|
non licet uesci sanguine, aut suffocato: tamen
sola consuetudo abrogauit illud præceptum,
nusquam enim legitur reuocatum. unde apud
Græcos, apud quos perseuerat consuetudo,
fortasse adhuc obligat obligatio. Quid ergo
obstat, quin aliquis summorum Pontificum
aduertens iam illud præceptum non esse necessarium, abrogaret illud, quantumcunque
esset latum à concilio Apostolorum? Hanc
conclusionem tenent non solùm doctores,
qui sequuntur sententiam, quòd papa est supra concilium, sed & tenentes contrariam opinionem. Vnde Panormita.
in capitu. significasti. de electione, ita tenet. & est sententia uniuersalis Iohan. Andr.
quòd potest tollere, &
mutare statuta concilii, in capitu. statutum.
de rescrip. Nec certè de his duabus conclusionibus posset quis rationabiliter dubitare, nec
posset quis nisi magna temeritate affirmare, si
Papa ex rationabili causa dispenset in ieiunio
quadragesimæ, uel abstinentia carnium, quòd
non teneat dispensatio: tamen illa sunt ex statutis conciliorum.