¶ QVÆRITVR, quæ sit forma huius sacramenti? Respond. quód hęc ego te baptizo, in nomine patris, & filij, & spiritus sancti. Patet hoc Matth. vlt. & in cōci . Florẽ . Quæritur, vtrum mutatio huius formæ vitiet sacramentum? Respon. quòd duplex est variatio, quædam quæ mutat sententiam, & sensum formæ, et talis euacuat sacramentum. Altera quæ non mutat sensum, & sententiam formæ, et talis non tollit sacramentũ . Vnde in ca. retulerunt de conse. d. 4. Zacharias papa determinauit, quòd ille qui dicit, ego te baptizo in nomine patrias, et filias, et spirituas sāctas , verè baptizauit