¶ QVÆritur, vtrum post matrimonium ratum non consumatum liceat intrare religionem? Respondeo ex sententia omnium, & ex consuetudine & determi natione ecclesiae, quod sic: etiam altero coniuge reclamante. Hoc habetur in cap. verum , & in ca. ex publico de conversione coniugatorum. Et facta professione alter coniux qui remanet in seculo potest transire ad secundas nuptias. Hierony. dicit (& habetur in ca. scribit. 27. q. 2.) de Machario quod post apparatum nuptiarum transijt ad haeremum . Et in prologo euangelij Ioannis, dicit quod Christus assumpsit Ioannem á nuptijs. Idem dicitur de beato Alexio filio Epiphaniae