Praeterea, vt D. Tho. argumentatur loco citato ad secundum , in actibus animae primus motus est circa finem. Vnde prior est natura intentio finis, quam electio mediorum. At, dolere de peccatis, & illa destruere, medium est ad placandum & conciliandum Deum, & ad rectam electionem pertinet, ergo. Sed & Hier. 31. huius rei testimonium habemus. "Postquam conuertisti me" (inquit) "egi poenitentiam, prior est igitur conuersio ad Deum quam poenitentia detestatioque peccati."