Ex hoc etiã diſcrimine ratio patet, cur volenti ſe occidere corporaliter quiſq; priuatus vim poſsit inferte: cogereq́; vel inuitum, ne ſe occidat, quam tamen vim volenti ſe ſpiritualiter interficere nõ licet in ferre: niſi is, qui infert, ſuperior autoritate & poteſtate ſit. Cuius differentiæ (vt reor ego) non alia cauſa eſt niſi quòd vitæ ſuę corporalis nemo eſt dominus. Vnde, ſicut volenti alium occidere, vim inferre quilibet poteſt, vt impediat: ita & ſeipſum interrimere volenti. At, cùm vitæ ſpiritualis vnuſquiſq; ſit dominus: iniuriam illi feceris, ſi vim attuleris non aliter ac ſi Domino pecuniarum pecunias ſuas etiam prodigè conſumenti manus ad impediendũ iniicias violentas.