Tertia, quòd ſacramentum hoc ordinatur ad medicinã omnium peccatorũ mortalium quibus ſacerdos curationem adhibiturus eſt. Quòd niſi cognoſcat medicus ægri totã habitudinem, non poteſt prudenter medicinã apponere. Nam, quæ vni morbo cõperit , alteri affert quandoq; perniciem. Quæ ratio ſ mitur ex cap. Omnis vtriuſq; ſexus: vbi. Sacerdos more periti medici (Innocentius ait) diligenter inquirat peccatorum circunſtantias & peccati: quibus prudẽter intelligat, quale debeat ei præbere conſilium, & cuiuſmodi remedium adhibere, diuerſis experimentis vtendo ad ſaluandum ægrotum.