Praeterea, hoc manifeste determinatum est in concilio illo Complutensi, & in illa extrauaganti Sixti quarti contra Petrum Oxomensem . Nam, post illam primam damnatam conclusionem , quam ante retulimus: hoc est, peccata mortalia deleri per solam cordis contritionem sine ordine ad claues, damnatur secunda in hanc formam: Confessio de peccatis in specie fuit ex aliquo statuto vniuersalis eccle siae, non de iure diuino. Deinde damnatur tertia in haec verba: Prauae cogitationes confiteri non debent, sed sola displicentia delentur sine ordine ad claues.