Poteſt tamen vterq́; locus intelligi etiã de pœnitentiæ ſacramento: vt, videlicet, intelligamus, impoſsibile eſ ſe per pœnitentiæ ſacramentum rurſum renouari: id eſt, priorẽ nouitatẽ , quã per baptiſmum accepimus, iterũ accipere. Vnde Gregorius Nazianzenus oratione. 3. in ſanctum lauacrum. Non ſupereſt (inquit) regeneratio ſecunda, nec reformatio ſeu in priſtinum ſtatum reſtitutio: etiã ſi perquàm vehementer illam lachrymis, & multis quæramus ſuſpiriis: ex quibus vix quidẽ cicatricum obductio euenit.