Secunda causae continentia est ratione generalis actionis,[sect. 34] quando diuersae res, vel causae, continentur omnes sub vna actione generali, puta sub actione tutelae, vel negotiorum gestorum, de qua loquitur Iason. in dicta l. nulli, post glossam tertiam: item si res litigiosae sub diuersis iurisdictionibus, & in diuersis locis sitae sint, & vna actione petantur, ita Andreas Gail dicta obseruatione 32. numero quinto, & numero sexto, adducit tertiam continentiam causae, & eius diuisionem, quae ex instantiae mutatione inducitur, vt solus coram vno iudice pendeat, non debet quis ad alium iudicem vocari, vt ex vulgata l. vbi coeptum, ff. de iudicijs, & alijs ordinarijs allegationibus comprobat: & incurritur poena amissionis causae, si coram diuersis iudicibus quis petat in duobus casibus; primus fauore libertatis, l. prima in fine, C. de assertione tollenda: alius fauore mi[sect. 35]litum, l. tam collatores, §. finali, C. de re militari, libro 12. Ad hanc continentiam, & eius prohibitam diuisionem expectat litis praeuentio: nam lite coram vno iudice praeuento pendente non potest coram alio iudice concurrentem, & aequalem iurisdictionem habente conueniri, ex text. in capite cum plures de officio delegati, libro sexto.