Quid autem erit de nobili, Doctore, Aduocato, muliere, quæ non inhoneſtè vixerit, Communitate, ſeu Republica, Collegio, vel Cathedrali, ſeu Parrochiali Eccleſia, minorive viginti quinque annis, quæ ſic ſeruemus, opinionem relatam à Manuel. Suarez, verbo, minor annis, de quo eſt videndus Afflict. cum diſtinctione loquens, deciſion. 283. n. 1. & 4. Roland. conſil. 63. numero 23. libro primo, Pariſ. conſil. 94. numero 4. volum. 1. pro ciuili debito carcerari non poſſunt, nec pater, ſocer, vel patronus, an non exiſtente carceratione, ex natura rei, hoc eſt, ex priuilegio perſonæ quæ carcerari non debet, audiendus ſit contra ſententiam addictionis, vulgo, de trance y remate, quoad effectum deuolutiuum, certè quidem hunc articulum volebam relinquere cogitandum, ne tamen materiam vtilem, quotidianam, praxiquè frequentẽ, quàm ſæpiſsimè ſum expertus, indeciſam omittam, nec qui ſemper in conſulendo, & nunc iudicando cum reſolutione proceſſerim, dubiam, & perplexam omittam: reſoluo in hac parte ſeruandam eſſe concluſionem tenentium, deuolutiuum effectum in caſu, de quo agimus, appellationem habere, ita vt ex eiſdem actis, vel alijs audiatur debitor, contra quem lata eſt dicta ſententia de remate, hoc tamen adhibito, vt bona eius liberè veneant, vel inſolutum creditori tradantur, non inuento emptore ad satisfactionem debiti, vt ex dicta reſolutione 169. Capicij reſoluitur, ex Doctoribus antiquis, quos refert, & ex noſtratibus Parladorus libro 2. cap. finali, part. 6. §. 17. num. 22. & ſeqq.