Quo fit, vt si in executioni[sect. 43]bus factis a Iudicibus ordinarijs, vel superioribus in casibus declaratis in l. 20. titulo 21. libro 4. Recopilation. quae vulgo appellatur, la pragmatica de las sumissiones, Iudex qui non fuit competens, se introduxerit ad exequendum instrumentum publicum, & constet ex actis iurisdictione caruisse, nec obseruatam dictam legem vigesimam, tunc equidem, si de nullitate dicatur, vel appelletur a sententia de remate, tanquam nulla, cuius nullitas ex defectu iurisdictionis constat ex actis, tunc equidem locum habebit suspensio sententiae de remate, eiusque adimplementi ex praedicta causa, vel alia quae respiciat iurisdictionem Iudicis, a quo lata est, eiusque defectum ex actis notorium inducat, euidensque ex eis sit, quo casu non solum deuolutiuum, sed suspensiuum effectum appellatio sortietur.