IOannes Solorzanvs, vir vndequaque doctissimus, olim Peruensibus Phoebus, nobis nunc in Supremo Indiarum Senatu beneficum Sydus, in Polyhistore illo tractatu de Indiarum iure, lib. 1. cap. 7. num. 71. Scriptorem nostrum his verbis commendat: De eiusdem vrbis Limensis terraemotibus agens, literis mandauit eruditissimus Doctor Franciscus Carrascus del Saz, qui postquam in ea pluribus annis honorificum Aduocationis, & Adsessoris dominorum Pro regum officium exercuit, Regij Panamensis Senatus Consul creatus fuit.