P ar grace & priuilege du Roy, est permis & octroyé a Guillaume Rouille, Libraire de Lyon , d'imprimer, ou faire imprimer, tant de foys, & en tel nombre que bon luy semblera, ce pre sent liure, intitulé Ioannis Bernardi Diaz de Luco, Episcopi Calagurritani, Practica criminalis canonica, nouuellement reueüe, corrigee, & augmentee par ledict autheur: & sont faictes inhibitions & defences depar ledict Seigneur, a tous autres Libraires & Imprimeurs, & persones quelconques de n'imprimer, ne faire imprimer, vendre ny distribuer, en ses païs, terres, & seigneuries, autres que ceux qu'aura imprimé, ou fait imprimer ledict Rouille: & ce durant le temps & terme de dix ans, a commencer du iour & datte que seront paracheués d'imprimer lesdictz liures: sur peine de confiscation des liures qu'ilz imprimeroyent, & d'amende arbitraire, applicable audict Seigneur. Et outre ce, ledict Seigneur, tant pour ceste oeuure que pour autres contenues & mentionnees en sesdictes lettres, en mettant au commencement, ou a la fin, en brief & au vray (sur peine d'encourir crime de faux) le contenu en sesdictes lettres de priuilege, veut & luy plaist qu'elles soyent tenues pour suffisamment signifiees a tous Libraires, Imprimeurs, & autres: & soit cela de tel effect & vertu, que si lesdictes lettres leur auoyent esté expres sement monstrees & signifiees: sauf que, s'ils veulent pretendre qu'elles contiennent moins que ce que ledict Rouille aura mis en sondict brief, ilz seront remis a en demander exhibition par deuant le Senechal de Lyon, ou son Lieutenant: lequel, quant a ce, a esté commis par cesdictes presentes: le vidimus desquelles ledict Rouille sera tenu de deliurer a tous Libraires & Imprimeurs, & autres qui l'en requerront , a leurs despens: & y sera foy adioustee comme a l'original: nonobstant oppositions & appellations quelconques, mandemens, ordonnances, restrictions, defences, establis semens de Courtz & iurisdictions, & lettres a ce contraires, lesdictes inhibitions & defences tenans: comme plus a plein est contenu & declairé par lesdictes lettres de priuilege, sur cedonnees a Paris le xv. d'Auril, m. d. liiii. Par le Roy en son conseil .