P ar grace & priuilege du Roy, eſt permis & octroyé à Guillaume Rouille, Libraire de Lyõ , d'imprimer, ou faire imprimer, tant de foys, & en tel nombre que bon luy ſemblera, ce pre ſent liure, intitulé Ioannis Bernardi Diaz de Luco, Epiſcopi Calagurritani, Practica criminalis canonica, nouuellemẽt reueüe, corrigee, & augmentee par ledict autheur: & ſont faictes inhibitions & defences depar ledict Seigneur, à tous autres Libraires & Imprimeurs, & perſones quelconques de n'imprimer, ne faire imprimer, vẽdre ny diſtribuer, en ſes païs, terres, & ſeigneuries, autres que ceux qu'aura imprimé, ou fait imprimer ledict Rouille: & ce durant le temps & terme de dix ans, à commencer du iour & datte que ſeront paracheués d'imprimer leſdictz liures: ſur peine de confiſcation des liures qu'ilz imprimeroyent, & d'amende arbitraire, applicable audict Seigneur. Et outre ce, ledict Seigneur, tant pour ceſte œuure que pour autres contenues & mentionnees en ſeſdictes lettres, en mettant au commencement, ou à la fin, en brief & au vray (ſur peine d'encourir crime de faux) le contenu en ſeſdictes lettres de priuilege, veut & luy plaiſt qu'elles ſoyent tenues pour ſuffiſamment ſignifiees à tous Libraires, Imprimeurs, & autres: & ſoit cela de tel effect & vertu, que ſi leſdictes lettres leur auoyent eſté expreſ ſement monſtrees & ſignifiees: ſauf que, s'ils veulent pretendre qu'elles contiennent moins que ce que ledict Rouille aura mis en ſondict brief, ilz ſeront remis à en demander exhibition par deuant le Senechal de Lyon, ou ſon Lieutenant: lequel, quant à ce, a eſté commis par ceſdictes preſentes: le vidimus deſquelles ledict Rouille ſera tenu de deliurer à tous Libraires & Imprimeurs, & autres qui l'en requerrõt , à leurs deſpens: & y ſera foy adiouſtee comme à l'original: nonobſtant oppoſitions & appellations quelconques, mandemens, ordonnances, reſtrictions, defences, eſtabliſ ſemens de Courtz & iuriſdictions, & lettres à ce contraires, leſdictes inhibitions & defences tenans: comme plus à plein eſt contenu & declairé par leſdictes lettres de priuilege, ſur cedõnees à Paris le xv. d'Auril, m. d. liiii. Par le Roy en ſon cõ ſeil .