LVsitaniam auro abũdare olim ſcrip[*]ſerat Plinius, dicens, "nec in alia parte terrarum tot ſæculis hæc fertilitas," libr. 33. capit. 4. idem firmat Strabo lib. 3. de ſitu orbis, ſed illud non prætermittendum in Tago aurum adeo purum putum arenis erui, vt Ioannes III. Luſitaniæ Rex ex eo auro ſceptrum confici iuſſerit, quo hodie Reges, vel quando acclamantur, vel quando inconuentu Regni aſsiſtunt, vtuntur Eduardus Nun. in deſcriptione Luſitaniæ cap. 14. ſed iam Plinius libr. 3. cap. 4. Tagum Gangi, Patolo, Hermo, & Pado in hac excellentia præfert, & hodie in Luſitania auri, & argenti fodinæ inueniri poterant, niſi edicto Regio prohibitæ forent ex eodem Eduardo. Poſteriori ſæculo annalibus cõſtat Reges Luſitaniæ varia bella contra Mauros, & infideles in Africa, & Aſia perpetuo geſiſſe nullis ad ea ab amicis auxilijs corrogatis; contra vero hi ſemper Principes Catholicos, vel pecunijs, exercitibus, vel claſsibus liberaliter, & laudabiliter iuuarunt.