Cum Maximilianum Flandriæ Comitem Ro[*]manorum Regem Brugenſes ciues captum cuſtodijs circumdediſſe impetu in Regiam facto, (auctor eſt Marian. lib.5. cap. 11.) idque aliunde Ioannes II. Luſitaniæ Rex ſciuiſſet, extemplò legatum ad Maximilianum miſit, cum militum, & claſsis pollicitatione, cum Syngrapha Regia ad nobilliſsimos drapeſitos data, qua inſpecta Flandriæ Comiti quadragies ſextertiũ numeraretur, quę pecunia eo tempore, & ſæculo, quamuis Rex iam in libertatem eſſet vendicatus, ad illius tamẽ autoritatem, honoriſque æſtimationem, ac pacis conditiones magno ſuit adiumento ex Reſend. in Ioan. II. cap. 71. & cum poſea idem Maximilianus Antuerpiæ ad bellum perſequendum, & exercitum ſoluta ſtipe ſibi de cætero tuendum, nummis indigeret, à Didaco Fernandez, qui Regis Luſitaniæ negotia tunc Antuerpiæ procurabat, magnam nummorum copiam nomine dicti Regis Ioannis II. poſtulauit, quam procurator præſentem numerauit, quod Ioannes adeo approbauit, vt & generoſitatem Didaci laudauerit, & magnis honoribus, & beneficiis ornauerit Reſendius in eadem Chronica cap.175.