Comprobauit & idem ſpecioſa illa crux ſan[*]guineis, & in ſpeciem recentibus cõſperſa guttis, quadrato lapide inſculpta, ad cuius amplexus, & oſcula Diuus Thomas à barbaris mactatus fertur vt notę circulũ ambientes à peritiſsimis linguarum Brachmanis explicatæ declarant, Luſitanis ad Sacelli ædificationem fundamentum aperientibus inuenta anno 1548. nam dum in illius cultum octo diebus ante Chriſti Domini Tribus ante Apoſtoli natalem, cum ab Eccleſia expectatio virginei partus celebratur, Chriſtiani in eam ædiculam rei diuinæ cauſa conuenerant, ſimul atque ab diacono cœptum Euangelium eſt, vniuerſo inſpectãte populo cruz modicis primo ſtillis, largo deinde ſudore manauit, admota terſui linteola ſacra cruentas ebibere maculas, color etiam crucis è candido ſenſim in pallidum, epallido in atrum, ex atro in cæruleum ſplendore ceſsit, ac tãdem, ſacrificio peracto natiuus redijt, id quod in eadem anniuerſarij die, & in Euangelij inchoatione, eijſdem circunſtantijs non ſemel contigiſſe teſtantur, ex alijs Maffæus lib. 12. ad fin. hiſtor. Indic. Lucena lib. 3. cap. 5. in vita Xauerij, qui nõ inſubtiliter colorum mutationes exponit, quæ quidem miracula, & Euangelio aſtruxere fidem, & Luſitanis ad omne periculum, & dimicationẽ pro crucis trophæo ſubeundã animos addidere.