Hi autem Sacerdotes propter finem, ad quem[*] deputati erant, in magno pretio, & honore in omni repub. ſemper habiti ſunt, ſic ab Ægyptijs, qui creati erant, Geneſ. 41. alebantur, & à tributis erãt exempti, Geneſ. 47. Is autem honos præcipuè ſummo Sacerdoti, ſeu Pontifici deferebatur, ex Feneſtella de Sacerdotibus Roman. cap. 5. Agellio lib. 10 cap. 15. Plutarc. problem. 42. & 48. Alex. ab Alex. dierum genial. lib. 2. cap. 8. elegantius Tullius in exordio pro domo ſua ad Pontifices, "quod ſi vllo tempore magna cauſa in Sacerdotam populi Romani iudicio, ac poteſtate verſata eſt, hæc profectò tanta est, vt omnis reipub. dignitas, omnium ciuium ſalus, vita, libertas, aræ, foci, Dij Penates, bona fortunæ, domicilia veſtræ ſapientiæ, fidei, potestatique commißa, & credita eße videbantur."