Tùm etiam quia cum Pontificum aſſertione[*] concurrunt aperta ſacræ paginæ teſtimonia, Conciliorum omnium authoritas, vniformis Eccleſiæ Catholicæ conſenſus, vt conſtat vltra alia ex relatis per Bellarm. de poteſt. ſummi Pontif. in rebus temporalibus à principio, vbi congerit decem Cõcilia, Pontifices, Patres, Illuſtriores authores ex Germania, Gallia, Anglia, Scotia, Italia, & Hiſpania: quæ rem efficiunt euidentem; quo caſu non procedit argumentum ex Ioan. 5. ſed contrarium iuxta illud Ioan. 8. "Quare testimonium meum, & patris non accipitis," habetur 2. q. 4. aliàs 5. in princip. cuius veritas non ex ipſius tantum dicto conſtabat, ſed ex Patris teſtimonio, prophætijs, & operis, quæ aſſertionem Chriſti comitabantur Ioan. 5. & 8. vt eleganter tradit Iancen. in concord. Euangel. cap. 63. verſ. ſi ego teſtimonium cum ſeqq. & capit. 77. verſ. dixerunt ergo: Vndè meritò ſacrilegij notam incurrere eos, qui Pontificibus Romanis in his fidem adhibendam negarent, docet Innocent. IIII. in cap licet ex ſuſcepto, num. 3. verſ. ſed dicet aliquis de foro compet. Nauar. in d. notab. 3. num. 45. probat D. Auguſtin. contra epiſtolam Fundamenti Manich. cap. 4. dicens, "tenet me in Eccleſia Catholica conſenſio populorum, atque gentium, tenet authoritas miraculorum, tenet ab ipſa ſede Petri vſque ad præſentem Epiſcopatum ſucceſsio Sacerdotum."