Secundò quia iuxta multorum ſententiam Chri[*]ſtus homo nec habuit, nec habere voluit Regnum temporale iure hæreditario, vel ex electionè, aut alia via, nec vnquam exercuit huiuſmodi poteſtatem iuxta illud Ioan. 18. "Regnum meum non est de hoc mundo," & illud Pſalm. 2. "Ego constitutus ſum Rex ab eo ſuper Siõ," id eſt Eccleſiam, & Luc. 12. "O Homo quis me constituit iudicem, aut diuiſorem inter vos," cum multis alijs, quæ expendunt Bellarm. vbi ſup. cap. 4. Victoria, Soto, & alij relati per Henriquez de vltimò fine hominis cap. 25. §. 1. Mol. diſp. 28. col. 3. verſ. contrariam, addit Suar. 3. p. tom. 1. q. 22. diſp. 48. ſect. 2. Quòd nec poſt reſurrectionẽ Chriſtus habuit dominium temporale orbis, eò maximè quia Chriſtus Dominus Petro, & ſucceſſoribus conceſſit poteſtatem ſpiritualem tantum modò, & claues Regni cœlorum, iuxta illud Matth. 16. "Tibi dabo claues Regni cœlorum, & quodcumque ligaueris," &c. cap. in nouo 21. diſt. cap. ſolitæ ad fin. de maioritate.