Attamen (qui eſt tertius caſus) cum ſummo Ec[*]cleſiæ Hierarchæ competat ius, & obligatio Apoſtolicos prædicatores in infidelium Regiones mittendi, vt ſupra oſtenſum eſt, & miſsio in Indos fieri debeat nauibus Iſaiæ cap. 11. "Per mare ſimul prædabuntur filios Orientis, prædæ ſeu munera Deo oblata," & illud eiuſdem cap. 18. "quæ mittit in mare legatos," explicat Rebellus de obligat. iuſt. 2. p. lib. 18. q. 23. ſect. 3. n. 10. & cum hæc nauigatio ſumptibus, hominibus, & armis indigeat, quæ vtique ſubſtineri nequeunt abſque commercio, commercijque fœnore, tãquã media ad finem illum ſupernaturalem, hoc eſt infidelium conſequendam conuerſionem neceſſaria ordinare, & diſponere, ad eundem ſpectat, ad quẽ finis cap. Prætereà de offic. deleg cum reſolutis ca. 6. liquidò conſtat Romano Põtif. licuiſſe, & nauigationis ius, & commercij legatis à fe delectis tantùm concedere, alijs illud prohibendo; ne & conuerſionẽ, & media ad illam interturbarẽt, & impedirent, vt n. 3. oſtendimus, & probat Vict. de Indis 2. p. in princip.