Vndè iuxta prædicta in huius miſsionis mate[*]ria non temporalis poteſtas in ordine ad ſpiritualia (quam in Roman. Pontif. Incognitus ipſe cap. 3. ex alijs agnoſcit, & nos latè probauimus cap. 6.) ſed merè ſpiritualis verſatur, licèt prohibitionem commercij, cum & expediat fidei propagationi, prohibere quoque poterit Pontifex, cum temporalia ordinare poſsit in ordine ad ſpiritualia: ſic explicandi, & intelligendi ſunt Vict. de Indis 2. p. n. 10. Ægid. l. Ex hoc iure cap. 3. n. 17. ff. de iuſt. tom. 1. tametſi hoc miſsionis officium ad poteſtatem referant temporalem, quam Pontifex habet in ordine ad ſpiritualia. Iuxta quæ Reges Hiſpaniæ à Romano Pontifice delegati ad Indiarum conuerſionem non laicali, ſed Eccleſiaſtica vtuntur poteſtate Eman. 1. tom. de regular. q. 35. art. 2. & q. 56. art. 12. concluſ. 6. Miranda in direct. præla. 1. p. q. 42. art. 6. in princip.