Alius titulus in Luſitanorum fauorem cõſiderari[*] poteſt: cum in ſpoliati, aut aliàs iniuriam paſſi Reges defenſionem, & vindicationem ſub tributi, aut prædæ pacto auxilium pręſtant; ex qua ratione Luſitani in India habuerunt occaſiones varias, non nulla iure belli occupandi, ſuum que Imperiũ dilatandi, vt probat in ſpecie Mol. de iuſt. tract. 2. diſp. 105. cauſa 9. Sic & Abraham ad vindicandũ Regem Sodom. dimicauit contra quatuor Reges, à quibus ipſe nullam acceperat iniuriã, Geneſ. 14. Hanc igitur cauſam pro ſocijs & amicis probant Caiet. 2. 2. q. 40. art. 1. Caſt. ſupr. verſ. ecce omnes Vict. de Ind. 2. p. n. 17. & Molin. d. diſp. 105. verſ. aliam qui idem referunt de Romanis, & teſtatur Cicero pro lege Manilia, ibi: "Propter ſocios nulla ipſi iniuria laceſsiti maiores veſtricũ Antiocho, cum Ætolis, cum Pœnis bella geßerunt," ferturque etiam Hiſpanos terras Mexicanorũ obtinuiſſe, ea ratione Talchathedanos aduerſus Mexicanos adiuuando Vict. & Molin. vbi proximè.