Licet autem infideles pro illo ſtatu nõ ſint dire[*]ctè ſubditi Pontifici Romano, nihilominus ex diuino iure tenentur illi ſubdi ſuſcipiendo fidem, & baptiſmum, per quẽ vnuſquiſque de grege fit Chriſti, & perconſequens ſubditus Petro; imò & ante baptiſmum ſunt indirectè ſubditi Pontifici, qui ius habet cogendi infideles, ne Euangelij prædicationem in ſuis terris impediant, neve ſubditos ſuos ad fidem negandam, vel non ſuſcipiendam cogãt, aut alio modo religioni Chriſtianæ infeſti ſint, vt reſoluunt Vict. de Indis 2. p. à num. 11. Suar. lib. 4. contra ſect. Angliæ cap. 6. à num. 7. & alij.