Ad tertium argumentum de cruentis Indorum ſacrificijs, & horrendis innocentum mactationibus, reſpondetur, id † quoque ſufficiens non eſſe, ut infidelibus bellum iuſtè inferatur; quia moraliter loquendo, ſi per viã belli eiuſmodi ſcelerum extirpatio, & innocentiũ defenſio quærenda eſt, plures tali bello abſumentur, quàm ulla Barbarorum tyrannide, aut ſacrificiorum immolatione perire potuiſſent. Et ita omni prorſus ratione carêre videtur, eos velle defendere quorum graviorẽ perpetres cędem, ut advertit Acoſta dict. lib. 2. de procur. Ind. ſalut. cap. 6. pag. 232. & Mag. Bañez dict. 2. 2. q. 10. artic. 10. pag. 535. verſic. Tertia concluſio.