Neque eſt curandum † de præſenti infidelium indignatione, ut benè advertit Corduba dict. quæſt. 57. dub. 5. pag. 504. verſ. Sed certè, ſed de maiori fructu eorum, vel poſterorum, rationabiliter ſperato, ſicut Doctores communiter dicunt de correctione fraterna. Nam fieri poteſt, ut ipſi poſteà edocti, vel illuſtrati de ſuo errore, placentur, & libenter antiqua vitia, & idololatriã relinquant: vel ſaltem, ut eorum poſteri extra eiuſmodi ſcelera nati, id libentiùs faciant, & ſanctoribus moribus inſtituti ſalventur.