Et in idem tendit illud Isaiae cap. 9: Et factus est Principatus super humerum eius (scilicet Christi) & vocabitur nomen eius Admirabilis, Consiliarius Deus, Fortis, Pater futuri saeculi, Princeps Pacis: multiplicabitur eius Imperium, & pacis non erit finis: super solium David, & Regnum eius sedebit, ut confirmet illud, & corroboret in iudicio, & iustitia amodo, & usque in sempiternum.