Neqve exiſtimet quiſpiam ſolùm Alexandrum VI. hac dumtaxat occaſione prędictâ poteſtate uſum ſuiſſe: cùm † ſępèſæpius alij plures Romani Pontifices varijs temporibus, & occaſionibus idem feciſſe reperiantur, quoties ſanctæ Romanæ Eccleſiæ, ac Chriſtianæ Religioni expedire cenſuerunt, ut pręter alios ex ſuprà relatis, noviſsimè oſtendit Marta dicto tractatu de iuriſdict. 1. part. cap. 24. num. 32. & ultra ea, quę ipſe tradit, † melius conſtare poterit ex exemplo Regni Hiberniæ, quod eâdem fermè ratione ac iſtud Indiarum Occidentalium Adrianus Papa IV. Henrico II. Anglorum Regi, & ſucceſſoribus eius conceſsit, & alij ſubſequentes Pontifices confirmarunt, certo tributi genere adiecto., quod Romanę Eccleſiæ, veluti in feudi recognitionem penderetur, ut conſtat ex his, quę refert Illuſtriſsimus Cardin. Baronius in Annal. Eccleſ. tom. 12. anno Christi 1159. num. 21. & 22. & ann. 1171. num. 12. & 1186. numer. 16. Matth. Pariſienſ. in hiſt Angl. ſub Herico II. ann. 1155. Polidor. Virgil. Neubrigenſ. Genebrard. Orlãdus Rogerius, & Ribadeneira in eâd. hiſt. Anglię ann. 1171. Cardin. Bellarmin. in Apologia contra Iacob. Reg. Angliæ c. 3. & in Chronic. ann. 1154. Pat. Iacob. Gretſerus in alia Apologia contra eundem Regem capit. 5. & 7. Sanderus de Schiſm. Angl. lib. 1. ann. 1542. & Marta d. 1. par. cap. 26. num. 39. & ſequentibus.