Cui adſentiens † Marquardus de Suſanis in tract. de Iudæ. & Infidel. l. part. cap. 14. ſimiliter reſolvit: Quòd virtute dictæ conceſsionis Alex. Sexti, iuſtè bella mota fuerunt Indis noviter repertis per gentes Hiſpanorum, ut nomen Salvatoris Domini noſtri Ieſu Chriſti in terris, & inſulis prædictis facile induceretur, quod non poterat prædicari, niſi prius ſuperatis gẽtibus illis, natura barbaris, quod rei exitus demonſtravit: nam poſtquàm fuerunt debellatæ, nomen Chriſti, & eius Evangelium receperunt, & ita iure iuſti belli legitimè poſſeſſæ ſunt, & poſsidentur per Hiſpanos.