Hoc idem † non minus apertè poſt Sanderum, & Boterum, quos refert, ſcriptum reliquit Rutilius Benzonius de anno Iubilæi lib. 1. cap. 10. pag. 53. ſic inquiens: Hanc Novi Orbis converſionem inprimis complexus eſt Alexander VI. qui, ut cognovit illius notitiam in dies excreſcere, & Hiſpaniarum Reges eo animo eſſe, ut non minus temporale ipſorũ Regnum, quàm, imò præcipuè Regnum Dei amplificarent, hoc illis demandavit, eoſq́ue adſtrinxit, ut maxima, qua poſſent, diligentia, in illorum populorum converſionem incumberent, quod ut fortiùs exequerentur, ipſis, quidquid acquirerent, omni meliori modo conceſsit, &c.