Maximè, † cũ in caſu, de quo loquimur, hanc interpretationem, etſi verba ita clara non eſſent, neceſsitas rei, quæ gerenda erat, extorquere debuiſſet. Quis enim nõ videt, parum ſecurã eſſe poſſe † Eccleſiaſticã diſciplinam, quam inter iſtas barbaras nationes ſeminare conabantur, ſi eam ſæcularis potentia, & dominatio non comitaretur? Status † quippe ſpiritualis conſervari non poteſt ſine temporali, ut pluribus oſtendit Fr. Ioan. à Ponte in cõven. utr. Monarch. lib. 1. cap. 7. pag. 37. & 38. & hiſtoriarum monumentis docemur, † quòd in qualibet Monarchia, ab initio ſæculi, tria ſe invicẽ per ordinem comitata ſunt, Divinus cultus, ſapientia ſcholaſtica (id eſt Theologica) & ſæcularis potentia, ut præclarè tradit D. Thom. lib. 2. de regim. Princip. cap. 16.