Regnum † verò Portugalliæ, ſive Luſitaniæ Romanæ Eccleſiæ feudum agnoſcere abſque aliqua hæſitatione affirmat idem Marta dict. cap. 26. ex num. 95. argument. text. in cap. grandi de ſupplen. neglig. Prælat. Paramus de origine, & progreſſ. Inquiſit. lib. 3. quæſt. 1. opin. 3. num. 113. & apertius probat Rodericus Archiep. Toletan. de reb. Hiſp. lib. 7. cap. 7. ubi de Alphonſo Henricio eiuſdem provinciæ Comite loquens, ait: Hic primus in Portugallia ſibi impoſuit nomẽ Regis, & ab Eugenio III. cui nomen ſuum conſtituit cenſuale, multa privilegia, & indulgentias impetravit. Idem etiam memorat Genebrard. in ſua Chronogr. citans Garibaium part. 4. lib. 34. cap. 16. niſi quòd pro Eugenio Alexandri nomen repoſuit, inquiens: Alexander III Alphonſum Portugallenſium novo, & primo Regi coronam per Albertum Cardinalem tradit, ea lege, ut quotannis Portugallenſes Reges duas auri libras Eccleſiæ Romanæ perſolverent.