Est autem † adeò verum, Reges Hiſpaniæ, abſolutè loquendo, Eccleſiæ feudatarios non eſſe, & demptâ, Fidei & Religionis Causâ, Summum Pontificem in temporalibus ſuperiorem non recognoſcere, iuxta ea quæ diximus ſup. lib. 2. cap. 22. num. 49. ut meritò dicere potuerit Pet. Gregor. lib. 26. de Repub. cap 5. num. 7. † magis independẽtes ab ea eſſe, quàm Imperatores. Imperatores namque † recipiunt diadema à Summo Pontifice, & ei ſpeciale iuramentum fidelitatis præſtant, de quo in cap. tibi Domino 63. diſtinctio. clement. 1. de iur. iurand. iunctis alijs, quę late congerit Marta dict. 1. part. cap. 5. per totum, Paramus dict. opin. 3. num. 80. & Camillus Borrellus in ſumm. deciſ. 1. part. titul. 57. titul. 68. & in tract. de magiſtrat. edict. lib. 1. cap. 14. numer. 77. ita † ut Imperator, qui Eccleſiæ non præſtat auxilium contra ſchiſmaticos, periurus ſit, ut probat Palacius Rubeus in tract. de Reg. Navar. 4. par. §. 3. in ſine. Atverò † Reges Hiſpaniæ, Galliæ, & alij, qui liberi ſunt, hoc ſpeciali iuramento non adiguntur, licét verum ſit, quòd pro eximia pietate, & religione, quâ pollent, tempore quo coronantur, iuramentum de Eccleſia pro virili defendenda præſtare ſolent, ut tradit idem Palacius ubi ſuprà, 5. part. §. 1. Ioſeph. Steph. in tract. de oſculat. ped Summ. Pontifi. c. 14 Ribadeneira de Principe Chriſtiano lib. 2. cap. 17 & plura congerens Ioan. Bapt. Valençuela in monit. contra Venet. 7. part. num. 96. & ſeqq. Et † per legatos ſuos eidem Romano Pontifici obedientiam præſtare ſolent, cum noviter Reges creãtur, vel pro Regnis, aut provincijs, quas ſibi de novo ſubijciunt, ut benè oſtendit Tho. Bozius de ſign. Eccl. Dei lib. 17. cap. 5. ad finem. vbi etiam obſervat, † Catholicos Hiſpaniæ Reges iam inde à temporibus Concilij Toletani Sexti, eam ſibi legem impoſuiſſe, ut Rex, qui inciderit in hæreſim, ſit excommunicatus, & exterminandus. Quam † Ferdinandus V. renovavit anno 1492. eodem nimirum, quo Indiæ Occidentales ſunt detectaæ, inſtituitq́ue ſeveriſsimum Inquiſitionis Tribunal, cui Reges etiam ſubiectos eſſe, ob dictum Canonem, ſancivit. Quod Vaſęus etiam teſtatur in Chronic. Hiſpan. & Marta dict. cap. 26. num. 94. his verbis: Item Rex Caſtellæ antequàm Rex fiat, iuramento speciali ſubijcit ſe, & totum ſuum dominium Sanctiſsimo severiſsimæ Inquiſitionis Tribunali.