Quę omnia in retẽtione huius Novi Orbis, de qua ſermonẽ habemus, lõgè planius, & ſecurius procedunt: cũ ipſe idem † Pontifex Alexander VI. Qui illius conquiſitionẽ Regibus Catholicis aſsignavit, eiuſdẽ etiã retentionẽ, & poſſeſsionem ipſis, & eorũ poſteris in perpetuum conceſſerit, ut ex tota Bullæ ſerie maniſeftè colligitur, cuius verba ſuprà lib. 2. cap. 24. retulimus, & præſertim ex illis: Omnes inſulas, & terras firmas inventas, & inveniendas, detectas, & detegandas, &c. Cum omnibus illarum dominijs, civitatibus, caſtris, locis, & villis, iuribuſq́ue, & iuriſdictionibus, ac pertinentijs univerſis, vobis, hæredibuſq; & ſucceſſoribus veftris (Caſtella, & Legionis Regibus) in perpetuũ tenore præſentium donamus, concedimus, & aſsignamus: voſq́ue, & hæredes ac ſucceſſores præfatos illarum Dominos cum plena, libera, & omnimoda poteſtate, auctoritate, & iuriſdictione facimus, cõſtituimus, & deputamus.