Ne qvis has locorvm obscvriorvm expositiones in Pandectas, intra sexennivm a die finitae
impressionis annorvm repvtatione facta, in Gallia imprimat, avt alibi impressas distrahat, praeter Matthiam Bonhomme, Principali rescripto
continetvr. Ex qvo et illvd significatvr, eos
qvi contra fecerint in ea cavsa fvtvros, atqve
si illi nominatim hac de re certiores facti essent. Qvi avtem edi sibi diploma desyderaverit,
apvd Lvgdvnensem legatvm consistat, cvi soli
de ea re ivrisdictio notio've ex rescripto datvr.
Quòd tu Sarmaticos, iuris Trasibule, tyrannos
Sollicitus legum de statione moues,
Reddis & antiquo tersißima iura nitori,
Et veterum explodis somnia vana senum,
Scitá
Scitaque
prudentum natalibus addere priscis
Niteris, & Latiæ prodere iura togæ:
Accipe gramineam, victricia dona, coronam,
Et refer è Scythicis barbara signa Getis.
Tu mihi in Orchestra lato spectabere clauo,
Dignus & in nostris aureus esse focis.