Quòd tu Sarmaticos, iuris Trasibule, tyrannos Sollicitus legum de statione moues, Reddis & antiquo tersißima iura nitori, Et veterum explodis somnia vana senum, Scita́ prudentum natalibus addere priscis Niteris, & Latiæ prodere iura togæ: Accipe gramineam, victricia dona, coronam, Et refer è Scythicis barbara signa Getis. Tu mihi in Orchestra lato spectabere clauo, Dignus & in nostris aureus esse focis.