Soluite mortales animos, curas́ leuate,

 Tot́ super vacuis vitam deflete querelis.

 Fata regunt orbem, certa stant omnia lege,

 Longa́ per certos signantur tempora cursus.

 Nascentes morimur, finis́ ab origine pendet,

 Tunc & opes, & regna fluunt, & sæpius orta

 Paupertas, artes́ datæ, mores́ creati,

 Et vitia, & clades, damna & compendia vitæ.

 Nemo caret damno, poterit nec habere negatum,

 Fortunámue suis inuitam perdere votis,

 Aut fugere instantem, sors est, sua cui ferenda

 At ni fata darent leges vitæ́ necis́,

 Fugissent ignes Aeneam, Troia sub vno

 Non euersa viro, satis vicisset in ipsis.

 Aut lupa proiectos nutrisset Martia fratres,

 Roma́ sic enata foret, pecudum́ magistri

 In Capitolinos auxissent culmina montes,

 Includiúe sua potuisset Iuppiter arce

 Captus, vel Caput hic orbis foret igne sepulto,

 Vulneribus victor repetisset Mutius vrbem

 Solus, & oppositis claudisset Horatius armis

 Pontem, vrbem́ simul rupisset fœdera virgo.

 Tres́ sub vnius fratres virtute iacerent,

 Nulla acies tunc euicit, pendebat ab vno

 Roma viro, regnum́ orbis sortita iacebat.