Decima conclusio. Hæreditas fraterna ab
intestato delata fratri vtrinque coniuncto superstiti, & filijs alterius fratris vtrinque, etiam
|
coniuncti, iam tamen mortui, sed repudiata à
fratre, non defertur filijs repudiantis: imò solùm competit filijs fratris iam defuncti, tanquam proximioribus: siquidem hi iure patris defuncti succedunt, & obtinent æqualem
gradum simul cum patruo repudiante: at filij
repudiantis non obtinent locum parentis, qui
repudiauit, sed adhuc in remotiori gradu existentes non possunt proximioribus æquales
esse. Corne. in Authentic. post fratres. in 1. C.
de suis & legit. hæredi. Cui tamen ipse non
accedo: imò potiùs sequor Salyc. ibi ea ratione, quòd filij fratris præmortui tunc admittuntur loco parentis ad patrui intestati successionem, quando simul ipsis, & patruo superstiti defertur hæreditas: quòd si nullo ex patruis superstite, aut hæreditatem repudiante,
ac subinde excluso eo patruo, qui superstes
sit, proprio iure filij fratris admittuntur, non
iure patris, & ideò cum eis concurrunt filij patrui repudiantis, cùm sint in pari gradu.
