INter eas leges, quas prudentissimus Rex Alfonsus, huius nominis
decimus, opera
doctissimorũdoctissimorum virorũvirorum ex veteribus iurisconsultorum responsis,
CæsarũCæsarum rescriptis,
iuris Pontificij canonibus, ac decretis, edere in
publicam regni Castellani, cui præerat, vtilitatem diligentissime curauit, opere septem
partito, & vulgari lingua seruata Cestellani
idiomatis maiestate, promulgato, extat lex j.
titu. xxv. parti. vij. quæ probat Sarracenos dictos fuisse à Sarra vxore libera Abrahæ, quamuis ipsi
nōnon à Sarra, sed ab Agar ancilla
originẽoriginem
duxerint. hæc quum aliquando legissem vt ingenue fatear, existimaui
absq;absque aliquo idoneo
auctore scripta fuisse, quippe qui
viderẽviderem, peruersam
admodũadmodum esse, hanc huius nominis rationem. Cæterum Sarracenos ab Agar originem habuisse, eiúsque gentis
primũprimum auctorem
fuisse Ismaelem Agar ex
AbrahāAbraham filiũfilium, & ab eo
Arabes, qui & Sarraceni generis
exordiũexordium ducere, testis est Iosephus libr. j. Antiquit. cap. xx.
Idem tradit Eusebius in chronico sub temporibus Abrahæ, & eos appellari, ac dici scribit.
Agarenos, & Ismaelitas. Diuus Hieronymus
ad Dardanum Agarenorum meminit, quos inquit, nunc Sarrenos vocant. Sed & Sarrace|
norum meminit Socrates lib. iiij. hist. eccles.
cap. xxxvj. quos eandem historiam tractantes
apppellant Ismaelitas Theodoritus lib. iiij.
cap. xxiij. & Sozomenus lib. vj. cap. xxxviij. vt
plane hinc constet, Sarracenos dictos fuisse
Agarenos & Ismaelitas ex eo, quod originem
duxerint ab Ismaele, & Agar. Addit Iosepus
moris apud eos fuisse, anno ætatis decimotertio circuncidi, quia & Ismael eo anno ætatis
fuerit circuncisus. De ratione nominis eodem
chronico Eusebij Matthæus Palmerius Florentinus hæc scribit, Mahumetus magnum se
æterni Dei prophetam dicens, multos Asiæ,
atque Africæ populos commouit, quos noua
religione imbuens, Sarracenos ex Dei præcepto vocari dicebat à Sarra legitima vxore Abrahæ, quasi legitimos diuinæ promissionis
successores. Hæc Palmerius. Diuus Hieronymus ante ipsum illud Esaie. c. xxj. explicans,
auferetur omnis gloria Cedar: inquit, Ismaelitas debere intelligi liber generationis docet ex Ismaele Cedar, & Agarenos, qui peruerso nomine Sarraceni vocantur esse genitos.
Sozomenus in d. libr. vj. c. xxxviij. hæc diligentius, & apertius tractat. Porro, inquit, Sarracenorum gens primum cognomine ab Ismaele
accepto, qui Abrahæ filius fuit Ismaelitę ab
antiquis de primi
eorũeorum parentis appellatione
vocati sunt. Vt autem maculam illegitimi ortus, & seruitutis nota, serua enim fuit mater
illius Agar, â se amolirentur, Sarracenos se
ipsos nominarunt, perinde atque à Sara Abrahæ coniuge stirpem ducerent. Cæterum seriem generis inde trahentes eodem cum Iudæis
viuendi more vtuntur. Nam circuncisionem
ita vt illi colunt, & à suillis carnibus abstinent,
multaq́;multaque pręterea illorum instituta seruant.
Quod si non ex omni parte iuxta illorum ritus
viuunt, aut tempori id adscribendum est, aut
finiti morum populorum, qui se eis immiscuere, confusioni. Quę quidem verba ferme repetit Nicephorus lib. xj. eccle. hist. c. xlvij. Diuus
Hierony mus super Ezechielem. c. xxv. Agarenos, inquit, & Ismaelitas, qui nunc Sarraceni
appellantur, assumentes sibi falso nomen Saræ, quod scilicet de ingenua & domina videantur esse generati. Quo fit, vt & Partitarum
lex auctores habeat non contemnendæ auctoritatis ad probandam Sarracenorum
originẽoriginem,
nominísque rationem. De origine vero minime controuertam, at de nominis ratione illud
fortassis rem dubiam facit, quòd si à Sara dicerentur, Sarani, non Sarraceni dicendi forent. Deinde Plinius lib. vj. c. xxviij. Sarracenorum
gentem inter Arabes connumerat, & scribit
Stephanus de vrbibus Græcus auctor, & is maximę fidei, Sarracenos dictos fuisse à Saraco vrbe Arabię. Idem commemorat Paul. Aemilius
libr. vij. de Francorum historia. Quod magis
arridet. Nam & Saracæ vrbis in Arabia meminit Ptolomeus lib. vj. Geographię c. vij. et Ammianus Marcellinus libr. xxiij. ita scribit, & in
Asia Albanos, mare
RubrũRubrum, et Scenitas Arabas,
quos Sarracenos posteritas appellauit. His
addere libet, Maranos, & Maranitas, Arabas
esse Diodoro Siculo lib. iiij. & Straboni lib. vj.
