SUnt quidem illæ, nec paucæ, nec leues, ut aliqui eos, hâc ex parte, parùm felices arbitrentur; licèt oculis insipientium fortunatissimi videantur. Et communis quidem existimatio minimè
illis fauorabilis est: contra quam tamen possunt Christianè se
gerentes, alii in Dei oculis apparere. Noui Togatum virum
duos habentem filios, quorum natu maiorem Iurisprudentiæ studio propensiorem videns, genio seruire permisit: Minorem autem Theologiæ studio omninò suasit, & fecit incumbere, dicens: Hunc saluari cupio: cupiebat etiam & alium; sed sic agens,
satis quid de suo sentiret periculo, declarauit: Quod est satis conforme iis, quæ
habet Dom. Solorzanus Lib. 4. cap. 4. num. 45. Et erat ille doctus, moderatus, &
conscientiæ non incuriosus suæ, Sacramentis frequenter utens, & certè talis, quales
vtinam omnes Togati Proceres mitterentur. Pro illis ergo sit