Avendaño: Thesaurus Indicus

33

*NOn multos ante dies ad me Religio

Casus specialis propositio.

sus quidam venit consulturus quid illi esset faciendum, eo quòd à Confessario suo id fuisset detectum, quod in magnum eius præiudicium redundabat, dum id, quod detectum est, ad alium etiam spectabat, qui indignationem magnam contra ipsum ex tali notitia conceperat, partum formidabilem habituram. Et deliberabat quidem de vrgenda denuntiatione coràm S. Tribunali; cui id dixi, quod tunc mihi est visum opportunum, de rei exitu nihil vlterius assecutus. In quo quidem difficultates occurrunt aliquæ quas erit operæ pretium sequentibus Assertionibus expedisse.

Export TEI

34

*Dico Primò. Crimen violati sigilli respe

Export TEI

Assertio 1. violationem sigilli Confessionis non esse casum S. Inquisitionis.

ctu eorum, qui Episcopali sunt iurisdictioni subiecti ad Episcopale Tribunal spectat. Sic communiter scriptores, ex quibus videri possunt Diana Parte 4. Tract. 8. Resolut. 95. Cæsar Carena de Officio S. Inquisitionis Parte 2. Tit. 17. §. 23. n. 91. Molfesius in Summa Triplic. iur. Tomo 1. Tract. 7. Cap. 23. num. 68. & P. Salelles Tomo 2. Regula 408. num. 865. Probatur, Quia ita videtur esse in vsu S. Tribunalis, crimen hoc Episcopis remittentis, dum in Edictis nulla illius habetur mentio. Cur autem ita fiat, nequit à Nobis ratio reddi, in qua animus penitus conquiescat: nam crimen hoc maximè Sacramenti Pœnitentiæ administrationi videtur aduersum: & plus multò quàm solicitatio, nec dubitari potest quin minùs peccatum sit, & aliquem consequenter secum |

p. 221

afferat de hæresi suspicionem. Sed ita factum, & ritè factum debemus æstimare.

Export TEI

35

*Dico Secundò. Probabile est crimen di

Export TEI

Assertio 2. Oppositum esse probabile.

ctum posse S. Tribunali pro illius cognitione legitima denuntiari. Probatur Primò, Quia sic tenet Alfonsus de Leone Tomo 1. de Officio Confessarij Resolut. 22. num. 12. Casu 2. Deinde, Quia ratio adducta est sanè non leuis; & Carenam quidem asserentem ex eo non oriri hæresis suspicionem impugnat P. Salelles, & nihil ad argumentum, quod ex eo ab Alfonso de Leone instruitur, cuius vim agnoscit ille, respondet, immò eidem videtur assentiri num. 867. Maius est crimen, quàm solicitatio, in quo & suspicio hæresis: ergo ad S. Tribunal spectat; discursus est satis vrgens. Cùm verò in vsu S. Tribunalis non sit, eo modo philosophandum circa ipsum, qui est à Nobis propositus in simili num. 30.

Export TEI

36

*Dico Tertiò. Prælati Religiosi in caussa

Export TEI

Assertio 3. In Religionibus ad Prælatos spectare.

criminis talis possunt procedere, & iuxta probationum merita delinquentem castigare, iuxta pœnam etiam à Iure talibus constitutam. Probatur, Quia Religiosi exempti id circa correctionem subditorum possunt, quod Episcopi circa suos: pro quo videndus P. Suarez Tomo 4. de Religione Tract. 8. Lib. 2. Cap. 9. n. 3. & toto Capite 10. Quia vero casus hic solùm per testes singulares probari potest, id in eo videtur obseruandum, quod circa solicitantes Doctores tradunt, circa quod magna est varietas opinionum, de quibus Diana Parte 4. Tract. 8. Resolut. 55. Benè verum est Doctores de sufficientia testium agentes, in ordine ad capturam, & incarcerationem loqui. Vt verò inquiri possit, & interrogari reus, testis non contemnendæ auctoritatis sufficit, quod casui est nostro etiam applicandum.

Export TEI

37

*Dico Quartò. Si Prælatus inferior cog

Export TEI

Assertio 4. Quid si illi negligant.

nitionem caussæ renuat, aut frigidè & oscitanter tractet, ad Prælatum est ipsi superiorem recurrendum. Quod si & iste negligat, iuxta opinionem, de qua Assert. 2. poterit quis delinquentem S. Tribunali denuntiare: Domini autem videbunt, quid circa illud fieri oporteat, & saltim hortamentis grauibus dormitantiam Prælatorum excitabunt. Et quidem de se non bene sentiendi plusquam leue motiuum exhibent, qui in re tanti momenti, & in qua est de hæresi suspicio, ita negligentes comperiuntur. Erit autem talis denuntiatio, in qua Prælati inuoluendi veniant, satis rara, cùm eorum indignatio ex denuntiatione futura meritò debeat formidari. Enim verò, si res vrgeat, & graue incommodum timeatur, nihil tentare nocebit, nec S. Tribunalis pietas defensionem pauperis Religiosi recusabit. Vbi & necessitatis titulus suum etiam locum habere poterit, quæ lege caret; cùm tamen hîc verosimile sit illam suffragari.

Export TEI

38

*DE illis actum à Nobis Tomo 2. Thesauri Tit. 16. & 17. modò autem addenda nonnulla, quibus ibidem dicta ampliùs illustrentur, occasione eorum, quæ à D. Quitensi in suo Itinerario pertractantur Lib. 1. Tract. 1. resolutionibus doctis, exactis, & suo sanè auctore dignissimis. Pro quo sit

SECTIO IV.

An violatio sigilli Confessionis sit casus S. Inquisitionis, cum doctrina peculiari.

Circa Parochos Indorum.