Avendaño: Thesaurus Indicus

 Legal Information & Privacy

Export TEI
SECTIO IV.

SECTIO IV.

Export TEI
Parochi Indiarum quo vti Rituali debeant in Sacrorum administratione. Vbi de Ritualis Pauli V. auctoritate.
Export TEI
Export TEI
147
*DOm. Quitensis Episcopus in Itine
Export TEI
rario Parochorum Indicorum Lib. 3. Tract. vnico de Sacramentis in communi Seßione 3. affirmat & probat Indicos Parochos posse paruo Manuali Mexicano vti, non so|
p. 128
lùm circa Indos, sed etiam circa Hispanos: quia licet pro Indis tantùm Titulus habeat, ex eo Hispani non videntur exclusi, quandoquidem nullum extat præceptum pro huiusmodi restrictione in illo, sicut neque in Rituali Pauli V. in quo
Export TEI
Paulus V.
Pontifex ita loquitur: Quapropter hortamur in Domino Venerabiles Fratres Patriarchas &c. Parochos vniuersos vbique locorum existentes, vt in posterùm tamquàm Ecclesiæ Romanæ filij, eiusdem Ecclesiæ omnium Matris & Magistræ auctoritate constituto Rituali in sacris functionibus vtantur. Sic ille in Bulla Rituali præfixa, & inter ipsius Constitutiones impressa. Quæ adhortationem tantùm continet, & non præceptum; vnde nulla videtur pro vsu obligatio resultare. Cùm aliàs Manuele Mexicanum in omnibus sit Indiarum receptum Ecclesijs, & in Synodo Diœcesana Quitensi an. 1594. statuitur vsus talis circa Indos & Hispanos, propter magnum eorum numerum: quia enim breuius, ideò & commodius, vt multitudini succurratur. Et præfatus Præsul quod ad Indos spectat, vti indubitatum videtur supponere, circa Hispanos tantùm mota quæstione.
Export TEI
Export TEI
148
*Sed contra hoc ea faciunt, quæ à nobis
Export TEI
Contrarium statuitur.
in Thesauro dicta Tit. 16. num. 19. & 84. & quidem præfatus Dominus Decreti Concilij Limensis Actione 2. Cap. 37. non videtur meminisse, quod non solùm ad Hispanos, sed ad Indos etiam constat pertinere. Itaque iubet seruari ManueleManuale, cùm prodierit: Prodijt quale desiderari poterat: ergo penitus obseruandum. Et licet adhortationem tantùm videatur præseferre, ipse loquendi modus obligationem importat. Tamquàm Ecclesiæ Romanæ filij, eiusdem Ecclesiæ omnium Matris & Magistræ auctoritate constituto Rituali in sacris functionibus vtantur. Qui ergo tanta auctoritate constituto vti detrectant, se filios tantæ Matris & Magistræ non ostendunt: Item errandi se periculis exponunt ab eius magisterio deuiantes. Ad quid prætereà auctoritas tanta adeò grauiter intimata, cùm eam ridere quis possit, vtpotè nullatenus obligantem? aut certè parui pendere quoad effectum & efficaciam, quidquid de æstimatione ab Auctore descendat. De more autem esse
Export TEI
apud Sedem Apostolicam, vt quandoque verbis adhortationem tantùm designantibus vtatur, licet supra materiam strictæ obligationis cadant, ex Iuristis proponit P. Suarez Lib. 3. de legibus Cap. 15.
Export TEI
P. Suarez.
num. 7. est enim modesta & paterna petitio, vt ille ait, obseruantiæ obligationis; & ita vt certum supponit P. Palaus Tomo 4. Disput. vnica de Baptismo Puncto 12. & eum secutus P. Tamburinus in Expedita expositione trium Iurium Lib. 4. Cap. 2. §. 3. P. Arriaga Tomo 8. Disput. 36. num. 50. Doctor, D. Petrus Aingo Ezpeleta Resolutionibus circa casus tempore mortis Tract. 3. Resolut. 35. nu. 8. Illustrissimus Barbosa de Officio & potestate Parochi Parte 2. Cap. 17. n. 2. & 3. Leander Tomo 1. Tract. 2. Disputat. 7. Quæst. 17. qui non Rituale, sed Pastorale Romanum appellat, P. Coninck, P. Martinon, Diana, adducti citato Thesauri loco, & alij.
Export TEI
Export TEI
149
*Neque obstat Synodi Diœcesanæ De
Export TEI
cretum, quod tot per annos Constitutionem Pauli V. præcessit, vbi & erit qui sentiat satius futurum, si se Concilij Limensis Decreto conformasset. Potest etiam habere locum, si Romani Ritualis copia desit, iuxta dicta nu. 50. citati Tituli vbi & Synodi Diœcesanæ Limensis Decretum adduxi, Toletano vtendum decernentis, & in eius defectum Mexicano, eo quòd tunc temporis nondum Romanum prodijsset. Prodijt autem aliud opera Fr. Michaelis à Zarate Minoritæ, & Doctoris Ioannis de la Rosa in Limensi
Export TEI
Cathedrali Ecclesia Rectoris Matriti impressum an. 1617. hoc titulo: Forma breuis administrandi apud Indos Sacramenta, aliaque ad sacrarum rerum cultum maximè pertinentia continens, iuxta ordinem S. Romanæ Ecclesiæ. Et pro Baptismo sit: Forma breuis administrandi apud Indos sanctum Baptismi Sacramentum iuxta ordinem S. Romanæ Ecclesiæ ex conceßione SS. Dom. Pauli Tertij. Et est quidem talis forma in nonnullis diuersa ab ea, quam Romanum Rituale præscribit, licet quoad præcipuas cæremonias conueniant, & tenenda profectò, si vt asseritur, à Paulo Tertio ordinatam fuisse constaret.
Export TEI
Export TEI
150
*Sed cùm Limense Concilium non ita videatur censuisse, dum statuit generaliter quod vidimus, mirum est post Rituale Romanum editum eam formam propositam, quæ sicut in Baptismo; ita etiam in Sacramentis alijs, & rebus sacris, non paruam continet varietatem, Nisi fortè illud nondum ad Indias peruenerat, & ita ex defectu, notitiæ processum. Et quidem cùm de solo Sacramento Baptismi ordinatio Pauli Tertij iuxta dicta procedat, pro quo sit penes Auctores fides, & circa alia nihil tale extet, non licet à præscripta forma Romanæ Ecclesiæ omnium Matris & Magistræ recedere. Vbi concludendum
Export TEI
Vigens pro Romano ratio.
vrgentissima ponderatione. Nam Paulus V. velle se erga Sacramentorum administrationem id pręstarepræstare testatur in Constitutione præfata, quod Pius V. erga ritus in Missæ sacrificio tenendos, & Sacrum Officium, Missale inquam ac Breuiarium, & Clemens VIII. circa Pontitificale & Cæremoniale constat præstitisse. Atqui circa prædicta obligatio vrget: ergo & circa Rituale, quod erga materiam constat versari grauissimam, vt non sit tale clericale psallendi negotium, vt est manifestum. Quod si circa prædicta obligatio non vrgeret, nihil actum meritò censeri posset: Ergo & circa ritus in Sacramentorum administratione seruandos, si solum in eorum forma à Romana Sede proposita adhortatio sine obligatione legatur.
Loading...