Crescit Auctarium, quia non solùm facile est inuentis addere,
sed & superaddere additis: quamquàm in negotio præsenti
non ita facile æstimari debeat, vt qui addit scientiam, non addat & laborem, sextum agenti iam supra septuagesimum
vitæ laboriosæ annum. Scientiam dixerim, quæ in me quàm
sit exigua ingenuè recognosco: sed quia profutura creditur, ad non inuidiosam communicationem, dum spiritus
hos regit artus, & vires suppetunt, amicabiliter stimulatur.
Sit ergo.